Leon Cino është sigurisht një nga talentet që ka bërë historinë në spektaklin mjaft të ndjekur në Itali, “Amici”.

Në fillimet e programit të udhëhequr nga Maria de Filippi ai ishte mes grupit “Saranno Famosi” (Do të jenë të famshëm), po megjithatë pak vetë arritën të linin gjurmë realisht dhe të vijonin në botën e spektaklit.

Leon Cino është ndër fituesit e parë. Me historinë e tij si një djalë i talentuar që zbarkoi në Itali në kërkim të lumturisë, ai kishte depërtuar në zemrat e shumë njerëzve. Por çfarë bën sot Leoni?

Ai është ndër balerinë më të mirë në historinë e talentit, shumë i vlerësuar edhe nga Alessandra Celentano. Leoni mori pjesë në program në viti 2003, 18 vjet më parë. Kanë kaluar vitë që kur në skenën e Amicii ai magjepsi publikun me piruetat e tij dhe teknikës së saktë. Aventura e tij ishte vërtetë një histori suksesi. U largua nga Shqipëria në përpjekje për të bërë realitet ëndrrën e tij në Itali dhe fitoi edicionin e tretë të Amici.

Balerini gjithashtu takoi dhe dashurinë e tij në proram, këngëtaren Samantha Fantauzzi, gjithashtu pjesëmarrëse në programin e talentit.

Leoni sot vijon të kërcejë dhe ka shkollën e tij të baletit afër Mlanos. E pamë të rikthehej në Amici në 2018-tën kur dha një mësim si profesionist. Shumë njerëz menduan se do të rikthehej në ekran por ai nuk e bëri. Mesa duekt Maria De Filippi nuk ka mundur ti kapërdijë disa fjalë të balerinit, sipas të cilit Amici nuk është më ai që ka qenë dikur.

Leon në fakt kishte thënë se me kalimin e viteve programi i ka dhnë më shumë rëndësi gossip dhe thashethemeve se sa talentit dhe Maria nuk e ka pritur shumë mirë këtë. Përtej polemikave, Leon mbetet një nga balerinët më të dashur nga publiku dhe pas shumë vitesh.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.