Gazetari shqiptar Kujtim Vani, në një lidhje nga Londra, ka folur rreth situatës së pandemisë dhe ecurisë së vaksinimit në Britaninë e Madhe. Ai tregon, se numri i të vaksinuarve me dozën e parë ka kaluar shifrën e 31 milion njerëzve, kurse ata me dozën e dytë janë mbi 5 milion individë.

“Procesi i vaksinimit po vazhdon me ritme të shpejta dhe pretendohet që deri në verë të jenë vaksinuar të gjithë, të paktën me dozën e parë, dhe të kalojmë në një jetë normale”,- shprehet z. Vani.

“Infeksionet kanë pësuar rënie në krahasim me javën e kaluar. Në 24 orët e fundit janë regjistruar 10 viktima, dhe gjatë javës që lam pas viktimat kanë qenë më të pakta”, tregon gazetari Vani.

“Personat që vaksinohen do të pajisen me një çertifikatë që do të tregojë vaksinimin e këtyre personave. Ky proces po ndiqet nga autoritet përkatëse. Ky dokument do të shërbejë për tú paraqitur në vende të ndryshme. Javën e ardhshme do të vijoi një hapje e lehtë, por në këto biznese nuk duhet të paraqitet kjo çertifikatë. Qeveria po bën gjithçka mundet për të hapur vendin dhe rikthimin në jetën normale. Për të ndërmarrë këtë nismë duhet të ndërtohet një skemë me masat e duhura”, shprehet gazetari për “Fax News Albania”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.