Mjeku shqiptar në Vjenë Arben Kuçani thotë se në Austri pavarësisht lajmeve që qarkullojnë në Europë mbi efektet anësore të vaksinave procesi vijon shumë normalisht.
“Në Austri vazhdojmë vaksinimin me Pfizer dhe AstraZeneca. Pavarësisht të gjitha komenteve që po sillen rreth e qark Austria ka zgjedhur të marrë rrugën e saj, jo detyrimisht ti nënshtrohet opinioneve që po vijnë nga Europa. Autoritetet shëndetsore vendosin kush do e bëjë dhe cila vaksinë do bëhet, po është e drejta e personit që nuk do ta marrë për arsye të ndryshme.Nëse ti refuzon atë që të është ofruar renditesh i fundit në listë, humb rastin që kishe.Brenda qershorit që çdo njeri që shpreh të dëshirën të vaksinohet të jetë i vaksinuar në Austri të paktën me dozën e parë”, thotë z. Kuçani.
Ai thotë se Austria po nxit qytetarët e saj që të vaksinohen, dhe pse është në dorë të personit, që pasaporta e vaksinimit për austriakët do të zbatohet që në prill dhe jo në qershor siç ka vendosur BE.
Kuçani ka bërë thirrje për të gjithë qytetarët shqiptarë që të vaksinohen kur tu jepet mundësia. Mbi të gjitha tha ai bërja e vaksinës jep një çlirim psikologjik përveçse efekteve fizike.
“Unë do të reagoja njëlloj siç vazhdimisht i këshilloj të gjithë që më pyesi, që nëse të ofrohet një vaksinë është një shans unikal për momentin. Asnjëri nga ne për momentin nuk e ka luksin që të mos marrë vaksinën që i ofrohet. Sepse pavarësisht efekteve anësore mos të harrojmë që ajo për të cilën duhet të flasim është efekti që duhet të bëjë vaksina. Në momentin që unë personalisht kur bëra vaksinën pata një çlirim shpirtëror mbi të gjitha. Çdo njeri që ka pasur shansin të marr atë vaksinë, jeton shumë më i qetë në këtë botë. A do na mbrojë, sa për qind a duhet ta ribëjmë vaksinën, ky është një luks që për momentin nuk ia lejojmë dot vetes. Pas 6 muajsh flasim prapë. Por kushdo që ka mundësinë të marrë një vaksinë, ta marrë absolutisht”, tha Kuçani.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
