Ambasada e Shqipërisë në Rumani njofton se vendimi për hyrjen në territorin e Rumanisë për shtetasit e huaj do të vazhdojë të mbetet në fuqi.
Qeveria Rumune ka marrë vendim për zgjatjen e Gjendjes së Alertës për një periudhë 30 ditore, duke filluar nga data 14 Mars 2021. Sipas këtij vendimi, vijon të mbetet në fuqi ndalimi i hyrjes në territorin e Rumanisë të shtetasve të huaj (të vendeve jashtë BE-së, Zonës Ekonomike të Përbashkët dhe Zvicrës) apo apartitë.
Përjashtohen nga ky ndalim:
Anëtarët e familjes së qytetarëve rumun, e vërtetuar kjo me leje qëndrimi në Rumani në cilësinë e anëtarit të familjes;
Anëtarët e familjes së shtetasve të vendeve të BE-së, Zonës së Përbashkët Ekonomike dhe Zvicrës, të cilët kanë rezidencën në Rumani;
Shtetasit që kanë vizë afatgjatë, Leje Qëndrimi ose një dokument të ngjashëm me Lejen e Qëndrimit të lëshuar nga autoritetet rumune ose të vendeve të tjera, sipas legjislacionit të Bashkimit Evropian;
Personat që udhëtojnë në interes profesional, e vërtetuar kjo përmes vizës, Lejes së Qëndrimit ose një dokumenti të ngjashëm, përkatësisht personel mjekësor, kërkues në fushën e mjekësisë, personel mjekësor për kujdesin geriatrik, si dhe transportuesit dhe kategori të tjera të përfshira në transportin e mallrave të cilët sigurojnë këto transporte të nevojshme;
Personeli i Misioneve Diplomatike, Zyrave Konsullore dhe Organizatave Ndërkombëtare dhe familjarëve të tyre që i shoqërojnë në misionet e përhershme në territorin e Rumanisë, personeli ushtarak ose personeli i cili mund të sigurojë ndihmë humanitare;
Personat në tranzit, përfshirë ata të riatdhesuar si pasojë e dhënies së mbrojtjes konsullore;
Pasagjerët që udhëtojnë për arsye të jashtëzakonshme;
Personat që kanë nevojë për mbrojtje ndërkombëtare ose që kanë arsye të tjera humanitare;
Të huajt dhe apatritët që udhëtojnë për motive studimesh;
Të huajt dhe apatritët që janë punëtorë të kualifikuar, nëse marrja e tyre në punë është e nevojshme për ekonominë, ndërsa aktiviteti nuk mund të shtyhet ose të zhvillohet në distancë;
Të huajt dhe apatritët, punëtorë ndërkufitarë, punëtorë sezonier në bujqësi, personel lundrues detar dhe lumor;
anëtarët e delegacioneve sportive ndërkombëtare të cilët marrin pjesë në kompeticione sportive të organizuara në territorin e Rumanisë, si parashikohet në ligjet në fuqi.
Anëtarët e ekipeve të filmimit të produksioneve kinematografike apo atyre audivizive, personeli teknik dhe artistik, të cilët marrin pjesë në aktivitetet kulturore që zhvillohen në Rumani, e provuar kjo me anë të kontratave të bashkëpunimit ose dokumenteve të tjera justifikuese.
Kujtojmë se mbajtja e maskës është e detyrueshme në të gjitha ambientet e brendshme dhe të jashtme, pa përjashtime, si dhe është e ndaluar lëvizja e personave në intervalin orar 22:00 – 05:00. Në zona të ndryshme, në varësi të numrit të infektimeve, intervali orar i ndalimit të lëvizjes mund të jetë 20:00 – 05:00.
Gjithashtu, duke filluar nga data 28 mars 2021, Shqipëria nuk ndodhet më në listën rumune të vendeve me risk të larte epidemiologjik.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.