Ornela Ademi, shkencëtare dhe drejtuese e Komitetit në “European Medicine Agency” në Holandë, në një intervistë flet lidhur me zhvillimet e fundit mbi aprovimin e vaksinës Ruse dhe Kineze nga EMA. Ajo flet mbi procesin që po ndiqet deri në aprovimin e vaksinave.
Përsa i përket vaksinës ruse, Sputnik, znj. Ademi thtë se EMA ka nisur një proces për të dhënë mendimin e saj, që quhet Rolling Review, pra pa bërë një kërkesë për aprovim nga kompania e vaksinës.
“EMA ka nisur atë që quhet Rolling Review që do të thotë se nuk është bërë një aplikim formal për aprovimin po certifikimin e vaksinës, po EMA dhe komiteti që merr mendim pozitiv apo negativ për miratimin e medikamentit ka parë se në bazë të publikimeve që janë bërë në shkurt gjithashtu pas një konsultimi shkencor është vendosur duke parë rezultatet e studimeve klinike dhe laboratorike të përfshihet në atë që quhet rolling review. Një proces që EMA e ka krijuar apostafat për rasti e pandemisë. Rezultatet shihen ndërkohë që publikohen. Në një proces normal të aprovimit të një medikamenti, duhet që përpara se të dërgohet një aplikim duhet që dosja të jetë i plotësuar para se të pranohet një aprovim. Ajo që është parë deri tani janë parë vetëm rezultatet laboratorike, apo pritet të jepet një mendim nëse janë të mjaftueshme, nga mesi i prillit. Më vonë do të shihen rezultatet klinike dhe do të shikohet dosja përsa i përket cilësisë së vaksinës. Nëse të gjitha këto janë pozitive, hapet rruga për të dërguar një aprovim formal për të aprovuar vaksinën”, tha ajo.
Përsa i përket vaksinës kineze Ademi thotë se nuk ka asnjë aplikim dhe asnjë rolling review. Lidhur me marrjen e kësaj vaksine nga Shqipëria ajo thotë se nuk ka ekspertë që do të duan ti bëjnë keq popullit të tyre.
“Shqipëria ka ekspertët e saj që e kanë parë më në kompleks këtë gjë. Nuk e di çfarë dokumentacioni kanë pasur për të marrë një vendim të tillë. Nuk mendoj se ekzistojnë ekspertë që do të duan ti bëjnë diçka të keqe popullit të vet”, u shpreh znj. Ademi.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
