Komiteti Teknik i Ekspertëve në Shqipëri vijon të mbajë të njëjtat masa kufizuese edhe për dy javë të tjera.
Do të vijojë të mbetet në fuqi orari kufizues 20.00-06.00 dhe shkollat nga klasa e 6-të e lartë online.
“Komiteti mendon që këto shifra janë si rezultat i efikasitetit të masave të propozuara nga komiteti disa javë më parë dhe një tendence pozitive që është vënë re në popullatë në lidhje me respektimin e masave. Masat që kanë qenë tani të mbeten në të njëjtin nivel dhe dy javë të tjera. Vijon ora policore, nga ora 20.00 deri në orën 06.00 të mëngjesit”, tha Mira Rakacolli, kryetare e Komitetit Teknik.
Gjithashtu fluturimet me Britaninë e Madhe do të vijojnë të jenë të pezulluara dhe për këto dy javë në vijim.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
