Këshilli i Investimeve ka mbajtur dje mbledhjen e radhës me fokus “Inovacionin në Sipërmarrje si një Sfidë për Rritjen e Konkurrencës. E pranishme në mbledhje Dhoma e Biznesit të Diasporës Shqiptare konfirmoi edhe një herë rolin e saj si bashkëpunëtore dhe shprehu gatishmërinë për të sjellë modele konkrete inovacioni.

“Por modelet që duhet të prezantohen janë në varësi të strategjisë që do të ndjekë shteti shqiptar, qëllimit të tij dhe politikave të inovacionit që do të ndjekë. Që do të thotë nëse do të orientohet drejt turizmit, bujqësisë, energjetikës infrastrukturës, etj. Vetëm duke pasur një ide të qartë dhe të mirë përcaktuar se ku do shkojë vetëm atëherë mund të përshaten politikat e inovacionit” tha në fjalën e tij kryetari i Dhomës së Biznesit të Diasporës, z. Ardian Lekaj. Konkretisht për sa i përket Dhomës së Biznesit në fokusin e saj është promovimi i produkteve “Made in Albania”, si dhe mbështetja për krijimin e një zinxhiri nga prodhimi deri hyrjen në tregjet rajonale. Projekti “Fluturoj me shqipen” do të ofrojë mbështetje për prodhuesit shqiptarë në të gjitha fazat e prodhimit dhe më e rëndësishmja do të krijojë hapësira komunikimi për të tregëtuar produktet shqiptare në tregje ndërkombëtare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.