Trajneri i kombëtares shqiptare Edi Reja ka komentuar për median italiane “Gazzeta dello Sport” futbollistët shqiptarë që luajnë në Itali.
“Hysaj po kalon një moment shkëlqimi. Gjimshiti është një thesar. Kumbulla ka hapësirë të bollshme për përmirësim”, tha ai.
Ai ka folur për formacionin më të mirë për kombëtaren e tij. “3-5-2 më jep më shumë besim, por kemi përdorur dhe formacionin 4-3-3 dhe 3-4-3”, ka thënë Reja.
Duke u shprehur për perspektivat e tij Reja ka thënë se grupi është i fortë, Anglia, Polonia dhe Hungaria. “Organizimi dhe motivimi ndonjëherë bëjnë mrekulli”, ka thënë ai.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
