Ministri i Imigracionit për Australinë ka bërë me dije se Australia ka nevojë për më shumë emigrantë. Sipas tij rimëkëmbja ekonomike ka nevojë për talent në profesione të ndryshme.
Ministri i emigracionit Alex Hawke pranon se e ka marrë detyrën në një periudhë veccanërisht të frikshme në historinë e vendit Australian. Për shkak të mbylljes së kufinjve nën pandeminë e COVID-19 emigrimi neto i Australisë ka rënë në nivele negative të cilat nuk janë parë që nga lufta e dytë botërore. Nga një familje emigrantësh me origjinë greko-australiane dhe zoti Haëke thotë se kjo do të jetë një nga sfidat kryesore të rikuperimit të Australisë nga pandemia.
“Do të veprojmë sa më shumë të jetë e mundur dhe do bëjmë gjithcka që kemi në dorë. Jemi në mesin e një pandemie e cila ndodh një herë në 100 vite. Jemi shumë të vetdijshëm se duhet të jemi më fleksibël, më të përgjegjshëm dhe të shohim se cfarë mund të bëjmë për rimëkëmbjen. E dimë se emigrantët janë fantastik për shoqërinë tonë dhe për ekonominë e vendit dhe luajnë një rol të rëndësishëm në rritjen e vendeve të punës dhe jam i bindur se programi i rimëkëmbjes është një nga pjesët kryesore që do të ndikojë në rimëkëmbjen nga COVID-19”, u shreh ministri për “SBS Shqip”
Ministri theksoi gjithashtu se aftësia për të menaxhuar pandeminë e ka bërë Australinë edhe më tërheqës për emigrantët. Lajmi vjen pas një raporti që u paraqit në parlamend javës së shkuar lidhur me emigracionin. Komisioni rekomandoi që të bëhet një rishikim i profesioneve më të kërkuara në Australi, për të pasqyruar sa më mirë mungesat në pozicione të ndryshme pune. Australia ka nevojë për inxhinier civilë, inxhinierë elektrikë, mekanik, kuzhinier, marangozë, elektricistë, persona që punojnë në shëndetsi, në tregti, si dhe në bujqësi dhe prodhim.
Qeveria gjithashtu do t’i mundësoi emigrantëve mësimin në gjuhën angleze menjëherë, sepse sipas ministrit Haëke, mësimi i gjuhës angleze është prioritet, sepse suksesi i cdo personi Brenda Australisë varet nga gjuha./ Nga Majlinda Lulo/ Radio Sbs Albanian
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
