Albina Shyti, e njohur me emrin artistik Albi, është shqiptare, por që ka lindur dhe jeton në Danimarkë. Ajo tashmë ka nisur rrugën e saj drejt ndërtimit të një karrierë muzikore në vendin ku jeton.

Prindërit e saj kanë emigruar herët në Danimarkë. Albina kohë më parë ka marrë pjesë në X Factor në Danimarkë. Prezantimi i saj i parë para jurisë vlerësuese të kësaj gare, ka bërë që Albina të shkëlqejë me performancën e saj dhe të marrë vlerësime pozitive nga juria.

Në vendin ku jeton Albina tregon se këngët e saj janë mjaft të pëlqyera dhe kënga e saj më e re “I don’t mind” është pritur shumë mirë: “Unë kam lindur në Danimarkë, por jam shumë e kënaqur që jam shqiptare, ndihem shumë me fat sepse gjithmonë më kanë mbështetur pavarësisht shtetësisë. “I don’t mind”, është kënga më e re dhe kam bashkëpunuar me disa persona këtu, por tekstin e kam shkruar unë bashkë me motrën. Kemi shkruar disa këngë dhe shpejt besoj se do jenë gati. Një klip dhe këngë e vecantë, më kanë thënë, dhe këtu në Danimarkë është pritur shumë mirë dhe ka marrë vlerësime shumë positive. Kënga është pak a shumë historia ime, atë që unë kam dëshirë të jem në jetë, e kam krijuar në klip, pra aty është ajo që unë dua të jem në të ardhmen. Edhe shqiptarët në Danimarkë më kanë mbështetur shumë”, tregon Albina në “RTV 21”

Ajo tregon se i pëlqen shumë muzika e vjetër shqiptare: “Mua më pëlqen shumë muzika shqiptare, mami im ka qenë këngëtare dhe më ka mësuar shumë këngë.Kur mblidhemi bashkë shqiptarët dhe këndojmë bashkë shqip”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.