Sulmuesi shqiptar Florian Kamberi i huazuar nga Aberdeen është thirrur nga trajneri i kombëtares shqiptare Edi Reja për të qenë pjesë e kuqezinjve në ndeshjet ndaj Andorra, Anglisë dhe San Marinos gjatë këtij muaji.

Ndihmës trajneri shqiptar Sergio Porrini shpreson që Kamberi të vijë. Futbollisti ka lindur në Zvicër dhe është thirrur disa herë por dëmtimi dhe kufizimet e COVID kanë bërë që ai të mbetet ende pa luajtur për Shqipërinë.

“Ne kemi pritur shumë gjatë për Florianin. Për herë të parë u përpoqëm gati dy vite më parë. Unë shkova në Skoci kur ai ishte ende me skuadrën Hibs. Ai erdhi me skuadrën tonë por kishte një dëmtim dhe pastaj u kthye në Skoci. Më pas u zhvnedos në St Gallen në Zvicër dhe nisën problemet e COVID-19 në të gjithë Europën kështu që nuk mund ta thërrisnim”, ka thënë Porrini.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.