Televizioni “Abc7” në SHBA nëpërmjet një kronike televizive ka sjell në vëmendje historinë e një familje shqiptare e cila rrezikon të dëbohet nga Amerika, për shkak të një ngatërrese mbi datën e skadimit të dokumenteve.

Arjeta Kackini, bashkëshorti i saj dhe dy vajzat e tyre, të cilat kanë lindur në Shtetet e Bashkuara, jetojnë në Larchmont prej gati 7 vitesh.

“Ne nuk po kërkojmë të bëhemi qytetarë të SHBA-së dhe të na dorëzojnë pasaportat amerikane” tha Kackini. “Ne thjesht po kërkojmë të na lejoni të qëndrojmë këtu legalisht ashtu si kemi bërë në vitet e kaluara”, shprehet Kackini për “Abc7”
Arjeta erdhi në SHBA në 2014 me një vizë studentore për të fituar masterin e saj. Bashkëshorti i saj nisi një biznes që i lejoi ata të qëndronin përmes një vize investitori të rinovuar çdo dy vjet.

Çështja u ngrit kur çifti u kthye nga një vizitë në Shqipëri. Pasaportat e tyre ishin caktuar të skadojnë për gjashtë muaj, në prill 2020, ata rinovuan pasaportat, por nuk e kuptuan që data e përfundimit të vizës ishte ndryshuar gjithashtu në atë datë prilli.

Çifti ka aplikuar për një zgjatje, por Shërbimi i Qytetarëve dhe Imigracionit të SHBA-së vendosi  gabimet e paqëllimshme dhe mbikëqyrja nuk konsiderohen “rrethana të jashtëzakonshme”.

Si e tillë, kërkesa për zgjatje nuk mund të miratohet. “Fjalë për fjalë nuk kam më lot sepse kam qarë aq shumë,” tha Kackini. “Unë kam provuar gjithçka legalisht.”

Familja po u bën thirrje ligjvënësve vendas dhe komunitetit, por përballet me një urdhër për të lënë vendin deri në 21 Prill.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.