Mjeku shqiptar Besmir Elmazi, punon në repartin e terapisë intensive për pacientët me COVID-19 në spitalin “St Johanes” të qytetit të Duisburg-ut.

Në një lidhje të drejtpërdrejtë nga Gjermania, dr. Elmazi flet rreth situatës së pandemisë dhe bazës shkencore mbi të cilat u pezullua vaksinimi me “AstraZeneca”.

“Nga e hëna kemi një lehtësim të masave të lockdown-it, ku u lejua të takohen më shumë se dy familje dhe u hapën një pjesë e bizneseve. Jeta filloi disi të gjallërohej, por kjo pati dhe pasojat e veta pasi numrat e infektimeve u rritën. Pikërisht në fazën ku dhe vaksinimi po ecte me ritme pak më të shpejta se në javët e kaluara. Numri i infeksioneve të reja është rritur me 1000 raste në ditë. Po ta krahasojmë me një muaj në parë është rritur ndjeshëm infektimi.”, – tregon ai.

Përsa i përket vaksinës AstraZenica, mjeku u shpreh se ende është në proces verifikimi, por gjithashtu ai tregon simptomat që mund të kenë pacientët ndaj të cilëve kjo vaksinë nuk reagon mirë: “Vaksinimi po ecën mirë, por sërish mbetet i ulët, numri total është 9 milion balorë nga 34 milionë banorë që ka Gjermania. Vaksina u pezullua sepse nga mbledhja dolën në përfundim se u raportuan 7 ditore. Këto persona kanë shfaqur dhimbje koke të vazhdueshme nga 4 deri në 16 ditë pas vaksinës AstraZenica. Gjithashtu mes kësaj periudhe mund të ketë dhe gjakderdhje të lehta, ndaj nëse kanë këto shenja duhet patjetër të konsultohen me mjekun. Këto janë raste shumë të rralla, por pasojat mund të jenë të rënda. Pritet vendimi pasi të bëhet vlerësimi nga agjensia e barnave, por ende nuk ka të dhëna në dispozicion për kombinimin e vaksinave të ndryshme që mund të zëvëndësojnë AstraZenica për të gjithë ata që tashmë e kanë marrë dozën e parë”, shprehet mjeku Elmazi për “EuroNews Albania”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.