Agjencia Evropiane e Barnave ka shuar kështu debatet e lidhura me vaksinën AstraZeneca dhe sigurinë e saj.
Përmes një konference për mediat, Agjencia thotë se vaksina e prodhuar nga Universiteti i Oksfordit është e sigurtë.
Drejtuesja e agjencisë, Emer Cooke u shpreh se komiteti ka vendosur se “kjo është një vaksinë e sigurt dhe efektive” dhe përfitimet tejkalojnë çdo rrezik të mundshëm. Doza, sipas saj, nuk shoqërohet me rritje të rrezikut të përgjithshëm të eventeve tromboembolike ose mpiksjes së gjakut.
Cooke deklaroi po ashtu se EMA po kërkon të bëjë studime vëzhguese për të hetuar më tej. Ajo u bëri thirrje personave që pësojnë ndonjë efekt anësor ta raportojnë. Por, drejtuesja e EMA theksoi gjithsesi se vaksina e prodhuar nga AstraZeneca është një opsion i sigurt dhe efektiv për të mbrojtur qytetarët kundër Covid-19. Sipas rregullatorit evropian, vaksina në fjalë, demonstroi një efikasitet të paktën 60% në parandalimin e sëmundjes së koronavirusit.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
