“Bashkëpunimi i ndërsjelltë në zgjedhjen dhe përcaktimin e rrugëve për zgjidhje të një seri problematikash në të cilat ndodhet Diaspora shqiptare në Itali” ishte temë diskutimi e Federatës Kombëtare Shoqatave Shqiptare “FNAI” në takimin e ndërmjetësuar nga oficeria koordinuese për Diasporën pranë Konsullatës së Përgjithshme të Republikës së Shqipërisë në Milano, av.Luljeta Çobanaj.
Për arritjen e objektivave me një pjesëmarrje aktive të shoqatave në Itali, për një qëndrim të përbashkët ndaj problemeve kryesore Federata do të organizojë të tjera takime me pjesëmarrje të gjerë duke e vlerësuar ato si një pikë nisje bazë për aksione të përbashkëta. Në takim u diskutua edhe problemi i pensioneve si rezultat i mungesës së marrëveshjes ndërmjet qeverisë italiane dhe asaj shqiptare. Tashmë të gjitha rrugët, që do të ndiqen do të jenë ndërmjet kanaleve zyrtare në bashkëpunim me shumë personalitete vendase, përfshirë edhe sigurimin e mbështetjes nga shumë organizata sindikaliste të cilat mbrojnë të drejtat e punëtorëve.
Nga patenta në të drejtën e votës, përgjatë bisedës për bashkëpunim me av. Luljeta Çobanaj, nga ana e saj u hodh dritë mbi çështjen e votimit të Diasporës për shkak të mungesës së akteve ligjore, të cilat duhet të përpilohen nga Komisioni Qëndror i Zgjedhjeve dhe të miratohen në Parlament. Koha në dispozicion është e shkurtër, por me një vullnet nga të gjitha palët urojmë të bëhet e realizueshme.
U theksua gjithashtu se, pjesëmarrja emigrantëve në regjistrim duhet të shikohet nga të gjithë si një kusht i cili lehtëson proçedurat e votimit me 25 prill. Për këtë u theksua se, një fushatë ndërgjegjësuese, qoftë nga Konsullatat, Ambasada dhe Federata do të jetë pozitive për shumë persona, të cilët kanë dëshirë të votojnë duke përdorur aplikacionin “e- Albania” .
Bashkëpunimi i FNAI-t me shoqatat anëtare dhe jo anëtare, me pjesëmarrjen aktive të përfaqësuesve të tyre, si edhe me institucionet përfaqësuese shqiptare në Itali rrit forcën e kërkesave dhe mundësinë e realizimit të tyre.
Pjesëmarrja e koordinuar, që merr përparësi mbi iniciativat personale, e që rrit shkallën e ndërgjegjësimit, publikimin dhe gjetjen e rrugëve për realizimin e të drejtave tona në kohë.
Përgatitja dhe marrja e masave për fillimin e një viti të ri shkollor ishte në shqetësimin e zj, Çobanaj e cila na siguroi se Konsullata e Rep.së Shqipërisë në Milano në muajin maj do të fillojë shpërndarjen e teksteve mësimore falas sipas listave, që do të paraqiten nga të interesuarit.
Për vetë strukturën e Federatës “FNAI”, për sa i përket shkollave dhe kurseve të gjuhës shqipe shpjegoi Granit Muçaj është më i lehtë njohja e listës së mësuesve , të cilët janë pjesë aktive e shoqatave anëtare të FNAI-t. Ndërsa për çertifikimin e mësuesve Petrit Aliaj e cilësoi atë si një pengesë e cila i përjashton mjaft veteranë, pensioniste e vullnetarë të cilët prej vitesh u mësojnë fëmijëve tanë gjuhën shqipe në mënyrën më shëmbullore.
Me pak fjalë është një model çertifikate e përgatitur nga persona në Mininistrisë së Arsimit, të cilët nuk e njohin realitetin dhe përpjekjet, që bëhen në diasporë për ruajtjen, zhvillimin dhe mësimin e gjuhës shqipe. Nga një herë na vjen edhe ndonjë fije dyshimi se këto çertifikata të parashtruara në këtë formë jo vetëm që ua heqin të drejtën mësuesve tanë, por në një farë mase e ndalojnë ndjeshëm mësimdhënien. Për rastin arrit në përfundimin se, do të ketë një tjetër ndërhyrje të përbashkët për sa i përket paqartësisve, që kërkohen nga Ministria e Arsimit në Shqipëri për përparësitë, që duhet të kenë mësuesit në Diasporë. Kjo ndërhyrje apo zgjidhje do të jetë frut i një takimi të përbashkët me të gjithë ata mësues e drejtues të shkollave e të kurseve të gjuhës shqipe në Itali.
Mbështetja e znj. Luljeta Çobanaj për të vlerësuar e ndihmuar tejkalimin e këtij problemi ishte një tjetër shtysë e bashkëpunimeve për të cilat kemi nevojë si komunitet.
Zonja Çobanaj ofroi ndihmesën e saj edhe në realizimin së bashku të projekteve, të cilat kanë nevojë për ndihma financiare dhe mund të sigurohen me realizimin e një seri marrëveshjesh me institucione e shoqata të tjera në Itali. Në këto projekte, theksoi ajo duhet të përfshijmë edhe ata shqiptarë të cilët drejtojnë aktivitete ekonomike pa harruar fondet shtetërore dhe ato Europiane të përcaktuara për aktivitete të ndryshme artistik-kulturore, përfshirë edhe komunat.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
