“Kjo letër vjen nga Asti, vendi i Don Boskos, i Papa Bergoglio dhe që mban emrin e një prej shenjtorëve të parë të krishtërimit, San Asti, shenjtori i Durrësit dhe i shqiptarëve”
Kështu nis letra e gjatë e shkruar nga komuniteti shqiptar për të nënvizuar të drejtën e tyre për njohjen e pensionit.
“Diaspora 91-19 është një grup prej 1600 njerëzish (në rritje të vazhdueshme) të bashkuar për të rritur ndërgjegjësimin e autoriteteve kompetente për të zgjidhur një boshllëk legjislativ mbi sigurimet shoqërore të shtetasve shqiptarë që punojnë në Itali dhe qytetarëve italianë që punojnë në Shqipëri”, vijon teksti.
“Më shumë se 400,000 shqiptarë kanë jetuar në Itali për dekada dhe rreth 200,000 të tjerë që tashmë janë natyralizuar shtetas italianë për disa kohë. Më shumë se 45 mijë kompani që u përkasin bashkëqytetarëve tanë operojnë, duke përfaqësuar afërsisht 10% të sipërmarrësve jo-BE. Me fuqinë e tyre të punës, duke iu përgjigjur detyrimeve legjislative, ata paguajnë miliarda kontribute dhe në të njëjtën mënyrë dhe taksa çdo vit. Por ka dhjetëra mijëra prej tyre të cilëve shteti nuk u përgjigjet për t’i nxjerrë në pension me moshën mjaft të avancuar dhe vjetërsinë në punë që tejkalon kufirin. Kjo ndodh për shkak të një mungese të thjeshtë të legjislacionit.
Nga ana tjetër, ka më shumë se 2,500 kompani italiane në Shqipëri ku mijëra qytetarë italianë punojnë me të njëjtin problem. Duke iu përgjigjur kësaj mungese legjislacioni, kohët e fundit ka pasur shumë video konferenca dhe konferenca shtypi me personalitete kompetente shqiptare si Kryeministri Edi Rama, ish-Ministri për Evropën dhe Punët e Jashtme Gent Cakaj, Zëvendësministrat e tij, drejtpërdrejt në krye të marrëveshjes, (ish) Etjen Xhafa dhe sot Sokol Dedja, Ministri i Shtetit për Diasporën Pandeli Majko, Ambasadorja e Shqipërisë në Itali Anila Bitri Lani dhe së fundmi edhe nga Ministrja e Punëve të Jashtme Olta Xhaçka ..
Në paraqitjet e tyre të fundit në videokonferenca, konferenca për shtyp dhe diskutime në Parlament është thënë se problemi është shumë i ndërlikuar nga pikëpamja financiare, ka një kosto, por ata janë të gatshëm që nga nesër për të bërë marrëveshjen”, thuhet më tej duke përmendur dhe takimet me përfaqësues të shtetit italian.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
