Këngëtarja shqiptare Gerona Hyska, jeton prej 3 vitesh në Nju Jork të Shteteve të Bashkuara të Amerikës. Së fundmi, ajo ka realizuar një kompozim të ri muzikor me titullin “Zemër”, në bashkëpunim me një tjetër artist shqiptar.

Gerona tregon për jetën, vështirësitë larg vendlindjes dhe si u bë i mundur ky publikim. “Kur erdha në fillim ndjehesha kaq shumë e vogël dhe çdo ditë isha gati të bëja valixhet dhe të kthehesha pas. Por ai shpirti im luftarak që kam për të sfiduar gjëra të reja, ka qenë një shtysë e fortë, pasi doja të shihja veten deri ku do të arrija”, – shprehet artistja.

Kam qenë në një periudhë reflektimi për projekte. Jam munduar të ushtrojë pak profesionin tim, sepse unë kam studiuar për ekonomi në Tiranë, pastaj një specializim në Francë për menaxhim operacional të bizneseve dhe aktualisht punoj në një kompani importi për mallrat italianeë”, thotë Gerona.

Ajo thotë se është munduar gjithmonë të gjej hapësira. Ajo flte për bashkëpunimin e fundit muzikor me Besarin. Ajo thotë se një pjesë të klipit e ka realizuar në SHBA dhe bashkëpunëtori i saj në Shqipëri duke qenë se kënga flet për largësinë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.