Musa Kamenica, shqiptar nga Kosova që jeton në Zvicër në vitin 2016 fitoi të drejtën për të qenë pjesë e asamblesë së komunës së Lozanës.

Duke u bërë kështu në atë kohë shqiptari i parë që zgjidhej në këtë post. Në zgjedhje e këtij vitim të mbajtura më 7 mars, politikani shqiptar, Musa Kamenica, ka siguruar sërish postin e tij në Asamblenë e Komunës së Lozanës me Partinë Socialiste në zgjedhjet e 7 marsit në Kantonin Vaud. Kamenica ka fituar 8157 vota të elektoratit në zgjedhjet e së dielës. Lajmin e ka bërë të ditur vetë Musa Kamenica në faqen e tij në Facebook.

“Rezultatet e zgjedhjeve komunale sapo kanë rënë dhe dëshiroj të falënderoj 8,157 qytetarët e Lozanës dhe komunitetit shqiptarë, që më dhanë besimin për t’i përfaqësuar edhe një mandat të dytë në Këshillin Komunal të qytetit tonë”, shkruan Musa Kamenica në Facebook.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.