Kjo foto daton në vitin 1918 dhe është dega 21 e shoqërisë Vatra në SHBA. Bëhet fjalë për degën e New Bedford në Masaçusets.

Numri i anëtarëve të saj arrinte gati në 90 vetë. Disa prej anëtarëve të saj që janë në këtë foto janë: Nedim Nivica, Vejsél B. Nivica, Aslán Nivica, Muço N. Nivica, Hasím D.Nivica, Xhule Pashnu Nivica, Jaçe Asllan Mexhgurani, George Katundi, Sadík Duro Búbesi, Bejtash Çorushi, Latíf Arza, Ali Luzati, Mehmét H. Medari, Jaho Fejzo Turani, Halím K.Bubesi, Salím.Kelcyra, Hysen Goxha, Murat Manúsh Damsi, Hisa Ferliát Tepelena, Halil Barshi Tepelena, Hasán Memet Borshi, Faik Dervish Tepelena, Guralí Caúsh Dukaj , Hamít Seit Dukaj, Bilal Delvina, Nexhíp Delvina, Sajet Halil Lekdushi, Isá Seit Veliqoti, Ibrahím Xh. Turani 5, Ali G. Arza, Rushán K.Progonati, Ymér Reis Mashkullora, Bektásh M.Arza, Adém B.Kashishti, Halúsh F. Barshi Adém Dervish Kullsi, dhe Mehmét Tahír Damsi.

Federata Panshqiptare Vatra është një shoqatë e shqiptarëve në Amerikë, e krijuar në vitin 1912, e cila ka pasur si mision historik mbrojtjen dhe garantimin e të drejtave të shqiptarëve në SHBA, si edhe ka ndërmarrë përsipër lobimin në Kongresin e Shteteve të Bashkuara për të drejtat e shqiptarëve anembanë botës.

Takimi i parë që bëri bashkë të gjithë shqiptarët në Amerikë, me synimin për të krijuar një federatë të vetme, u zhvillua në 24 dhjetor 1911 në Boston. Takimi për themelimin pati dhe pjesëmarrjen e shoqatës Besa-Besën. Në këto takime ishin të pranishëm: Faik Konica, Fan Noli, Kristo Floqi, Marko Adams dhe Paskal Aleksi. Takimi vijoi deri në datën 28 prill 1912, kur dhe Vatra u regjistrua zyrtarisht.

Nga procesverbali i takimeve thuhet:
“Federata Pan-Shqiptare e Amerikës Vatra u themelua prej Shoqërive “Besa-Besën”, “”Flamuri i Krujës” Shoqërisë Kombëtare”, “Mirëbërësja” dhe “Skënderbeu”. Ndërkohë shoqatat “Dallandyshja” dhe “Malli i Mëmëdheut” nuk ishin të pranishme por konfirmuan anëtarësinë e tyre në federatën “Vatra”.

Në këtë takim historik , një bord i përkohshëm u themelua dhe pjesëtarët e tij ishin: Sekretari – Fan Noli, arkëtari – Llambi Çikozi, menaxheri i “Dielli” -Kristo Kirka, Drejtuesit e degëve të Federatës: Faik Konica dhe Kristo Floqi, si dhe supervizortë e “Dielli”: Paskal Aleksi, Elia Tromara dhe Kosta Vasili.

Vatra u njoh zyrtarisht dhe prej Masaçusetsit duke marrë certifikatën e njohjes në 13 qershor 1912. Certifikata origjinale tregon këta emra: Faik Konica, Llambi Çikozi, Fan S. Noli, Kristo Floqi, Elia Tromara, Naum Cere dhe Kosta Kota. Pjesëtarë të tjerë të shquar që iu bashkuan federatës ishin: Kostandin Çekrezi dhe vëllezërit Pani nga Dardha.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.