Kreu i Komisioni Qendror të Zgjedhjeve Ilirjan Celibashi i kërkon Ministrisë së Brendshme që të shtyjë afatin e vlefshmërisë së dokumenteve biometrike.

Përmes një postimi në rrjetet sociale kreu i KQZ-së thotë se qëllimi është pikërisht ushtrimi i të drejtës së votës së të gjithë qytetarëve.

“Me qëllim ushtrimin e të drejtës së votës nga qytetarët, të cilëve në #25Prill2021 u bëhet i pavlefshëm dokumenti i identifikimit biometrik, KQZ i ka kërkuar Ministrisë së Brendshme shtyrjen e afatit të vlefshmërisë së dokumenteve të identifikimit biometrik”, shkruan Celibashi.

Bëhet e ditur se janë afërsisht 900 mijë qytetarë të cilëve u skadon karta e identitetit apo pasaporta dhe që përbëjnë pothuajse gjysmën e numrit të votuesve në Shqipëri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.