Nxitja e bashkëpunimit të Diasporës shqiptare dhe  promovimi i vlerave të saj në fushën e stomatologjisë është qëllimi i memorandumit të firmosur midis Agjencisë Kombëtare të Diasporës dhe Urdhrit të Stomatologut në Shqipëri.

Nëpërmjet këtij memorandumi këto dy institucione të përfaqësuara nga Presidenti i Urdhrit të Stomatologut, Nikoll Deda dhe Drejtoreshës Ekzekutive të AKD-së Sonila Hysi, do të bashkëpunojnë për realizimin e  rrjetëzimit të profesionistëve shqiptarë në fushën e stomatologjisë në Diasporë, me qëllim krijimin, koordinimin dhe përditësimin e bazës së të dhënave mbi stomatologët dhe ndihmëstomatologë shqiptarë, që ushtrojnë profesionin e tyre brenda dhe jashtë vendit.

Gjithashtu, synohet të vendosen dhe forcohen urat e bashkëpunimit, nëpërmjet organizimit të aktiviteteve të përbashkëta dhe veprimtarive shkencore, me qëllim rritjen e standardeve profesionale.

Nxitja e politikave të “turizmit dentar” në Shqipëri për anëtarët e komuniteteve shqiptare në diasporë me qëllim nxitjen e forcimit të lidhjeve me vendlindjen dhe politikat e turizmit në Shqipëri është një tjetër pikë e këtij memorandumi.  Ndërsa në pjesën integrale të tij janë specifikuar me hollësi fushat e bashkëpunimit, ku palët angazhohen plotësisht, në përmbushjen dhe realizimin e qëllimit të këtij akti të nënshkruar.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.