Anila Kadija ka sjellë botimin e ri për fëmijët që mësojnë gjuhën shqipe, me titull “Ninulla e zemrës”.

Ky libër do të shpërndahet falas nga vetë autorja. Anila aktualisht është mësuese e gjuhës shqipe në Londër, teksa mësohet se libri është publikuar nga “ALBAS” me shpenzimet e vetë autores.

Të gjitha poezitë në këtë vëllim, janë frute të punës me nxënësit ndër vite, përgjatë eksperiencës së pasur dhe shumë vjeçare personale, në mësimdhënie Itali- Londër, në gjuhën amtare.

Gjithashtu, copëzat e këtij libri janë pjesë e temës pedagogjike, e cila është paraqitur në seminarin mbarëkombëtar për mësimin plotësues në gjuhën shqipe në diasporë, Prizren 2019, me titullin “ Fjala e bukur dhe mësimi i gjuhës shqipe”.

“Kënaqësi dhe privilegj që kjo kopertinë së bashku me vjershat për fëmijë kurorëzuan një dëshirë timen, profesionale dhe sentimentale, në shërbim të gjuhës shqipe”, shprehet vetë autorja.

Së fundmi Anila ishte mes 26 mësuesve të parë të certifikuar për gjuhën shqipe në Diasporë.

Mësuesit shqiptarë prej vitesh japi kontributin e tyre në mësimdhënien e gjuhës shqipe në vendin ku jetojnë. Një mision ky, që përvecse profesionistë i shndërron ata në misionarë të ruajtjes dhe trashegimit të gjuhës, traditave dhe kulturës shqiptare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.