FSHZHD forum virtual me antarët e “Rrjetit të Profesionistëve të Diasporës”

E mërkurë, 12 Maj, 2021
E mërkurë, 12 Maj, 2021

FSHZHD forum virtual me antarët e “Rrjetit të Profesionistëve të Diasporës”

“Fondi Shqiptar për Zhvillimin e Diasporës” organizoi sot forumin virtual “Bashkëbisedim me anëtarët e rinj të rrjetit”. Ky forum ka si synim të krijojë një urë komunikimi me anëtarët e rinj të “Rrjetit të Profesionistëve të Diasporës”.

Në këtë event, pjesëmarrësit u njohën më shumë me rrjetin e profesionistëve të Diasporës, digjitalizimit të veprave shqiptare dhe mundësive që ofrojnë këto platforma.

Projekti “Diaspora për Zhvillim” ka si objektiv rritjen e kapaciteteve dhe rrjetëzimit të kapitalit shoqëror në Diasporë, si një vlerë e shtuar për zhvillimin ekonomik të vendit. Deri më tani 1831 profile janë bërë pjesë e Rrjetit të Profesionistëve të Diasporës, përfshirë këtu profesionistë në fusha të ndryshme, organizata dhe biznese.

Disa nga anëtarët të cilët ishin pjesë e takimit prezantues ndanë sugjerimet e tyre në lidhje me zhvillimin dhe zgjerimin e platformave, mënyrat e përfshirjes përmes kontributit të tyre në zhvillimin socio-ekonomik të vendit të origjinës, si dhe vazhdimësisë së marrëdhënieve të bashkëpunimit midis shqiptarëve në Diasporë dhe komunitetit në Shqipëri.

Kledis Rexho, muzikant i cili jeton në Paris, Francë, në prezantimin e tij tregoi se angazhimet e tij për krijimin e urave të bashkëpunimit mes Konservatorit në Paris dhe Universitetit të Arteve janë të shumta. Kledis Rexho vuri theksin tek nevoja për të përfshirë në projekte të tilla, jo vetëm profsionistët, por edhe shtetasit shqiptarë që jetojnë dhe punojnë jashtë, por nuk i kanë pasur mundësitë për t’u bërë profesionistë, por ja kanë dal mbanë të integrohen.

Edmond Balidemaj jeton në Holandë dhe punon pranë kompanisë “Philips”, si dhe menaxhon një kompani private. Balidemaj përshëndeti nismën dhe shprehu gatishmërinë e tij për angazhimin në krijimin e rrjetit të profesionistëve në Diasporë.

Fuad Kadrija ka studiuar për informatikë në Australi, momentalisht jeton në Zvicër, dhe punon si profesor IT në Universitetin e Bern-it. “Çdo projekt ka vështirësi në fillimet e veta, por rëndësi ka nisma. Edhe unë bashkohem me Rexhën, duhet të jemi bashkë me njëri-tjetrin dhe të ndihmojmë sa më shumë shqiptarët që sapo kanë ardhur, ose që duan të studiojnë jashtë, Unë në Zvicër jam i gatshëm të jap ndihmën time”, u shpreh Kadrija.

Niman Bajraktari jeton në Gjermani dhe përgëzoi nismën e Fondit Shqiptar për Zhvillim: “Një nisëm e vogël, por që besoj se shumë shpejt do bëhet diçka e madhe. Unë jam i gatshëm të jap kontributin tim për zhvillimin e këtij qëllimi.”

Rrjeti i profesionistëve është një platforme që synon të mbështesë e të nxisë zhvillimin e Shqipërisë duke ofruar një urë lidhëse për Diasporën, me qëllimin për të mbledhur dhe shkëmbyer informacione dhe përfshirjen e ekspertizës së anëtarëve të këtyre komuniteteve në të mirë të zhvillimit të vendit si dhe në drejtim të gjenerimit të ideve dhe nismave me përfitim të përbashkët për anëtarët e këtyre komuniteteve.

Platforma është krijuar me qëllimin madhor të hartëzimit të profesionistëve shqiptarë në Diasporë. Ajo u vjen në ndihmë anëtarëve të Diasporës duke iu ofruar mundësinë për të kapërcyer barrierat gjeografike, për të lehtësuar komunikimin dhe ndërveprimin ndërmjet tyre.

Platforma Rrjeti i Profesionistëve i ofron përdoruesve profesionistë shqiptarë në Diasporë mundësi informimi, mundësi bashkëpunimi, mundësi punësimi, investimi, etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë. 

“Fondi Shqiptar për Zhvillimin e Diasporës” organizoi sot forumin virtual “Bashkëbisedim me anëtarët e rinj të rrjetit”. Ky forum ka si synim të krijojë një urë komunikimi me anëtarët e rinj të “Rrjetit të Profesionistëve të Diasporës”.

Në këtë event, pjesëmarrësit u njohën më shumë me rrjetin e profesionistëve të Diasporës, digjitalizimit të veprave shqiptare dhe mundësive që ofrojnë këto platforma.

Projekti “Diaspora për Zhvillim” ka si objektiv rritjen e kapaciteteve dhe rrjetëzimit të kapitalit shoqëror në Diasporë, si një vlerë e shtuar për zhvillimin ekonomik të vendit. Deri më tani 1831 profile janë bërë pjesë e Rrjetit të Profesionistëve të Diasporës, përfshirë këtu profesionistë në fusha të ndryshme, organizata dhe biznese.

Disa nga anëtarët të cilët ishin pjesë e takimit prezantues ndanë sugjerimet e tyre në lidhje me zhvillimin dhe zgjerimin e platformave, mënyrat e përfshirjes përmes kontributit të tyre në zhvillimin socio-ekonomik të vendit të origjinës, si dhe vazhdimësisë së marrëdhënieve të bashkëpunimit midis shqiptarëve në Diasporë dhe komunitetit në Shqipëri.

Kledis Rexho, muzikant i cili jeton në Paris, Francë, në prezantimin e tij tregoi se angazhimet e tij për krijimin e urave të bashkëpunimit mes Konservatorit në Paris dhe Universitetit të Arteve janë të shumta. Kledis Rexho vuri theksin tek nevoja për të përfshirë në projekte të tilla, jo vetëm profsionistët, por edhe shtetasit shqiptarë që jetojnë dhe punojnë jashtë, por nuk i kanë pasur mundësitë për t’u bërë profesionistë, por ja kanë dal mbanë të integrohen.

Edmond Balidemaj jeton në Holandë dhe punon pranë kompanisë “Philips”, si dhe menaxhon një kompani private. Balidemaj përshëndeti nismën dhe shprehu gatishmërinë e tij për angazhimin në krijimin e rrjetit të profesionistëve në Diasporë.

Fuad Kadrija ka studiuar për informatikë në Australi, momentalisht jeton në Zvicër, dhe punon si profesor IT në Universitetin e Bern-it. “Çdo projekt ka vështirësi në fillimet e veta, por rëndësi ka nisma. Edhe unë bashkohem me Rexhën, duhet të jemi bashkë me njëri-tjetrin dhe të ndihmojmë sa më shumë shqiptarët që sapo kanë ardhur, ose që duan të studiojnë jashtë, Unë në Zvicër jam i gatshëm të jap ndihmën time”, u shpreh Kadrija.

Niman Bajraktari jeton në Gjermani dhe përgëzoi nismën e Fondit Shqiptar për Zhvillim: “Një nisëm e vogël, por që besoj se shumë shpejt do bëhet diçka e madhe. Unë jam i gatshëm të jap kontributin tim për zhvillimin e këtij qëllimi.”

Rrjeti i profesionistëve është një platforme që synon të mbështesë e të nxisë zhvillimin e Shqipërisë duke ofruar një urë lidhëse për Diasporën, me qëllimin për të mbledhur dhe shkëmbyer informacione dhe përfshirjen e ekspertizës së anëtarëve të këtyre komuniteteve në të mirë të zhvillimit të vendit si dhe në drejtim të gjenerimit të ideve dhe nismave me përfitim të përbashkët për anëtarët e këtyre komuniteteve.

Platforma është krijuar me qëllimin madhor të hartëzimit të profesionistëve shqiptarë në Diasporë. Ajo u vjen në ndihmë anëtarëve të Diasporës duke iu ofruar mundësinë për të kapërcyer barrierat gjeografike, për të lehtësuar komunikimin dhe ndërveprimin ndërmjet tyre.

Platforma Rrjeti i Profesionistëve i ofron përdoruesve profesionistë shqiptarë në Diasporë mundësi informimi, mundësi bashkëpunimi, mundësi punësimi, investimi, etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.