Reperi shqiptar, Donat Halimi ëndrrën e tij për t’u bërë këngëtarë, e ka bërë realitet në tregun muzikorë në SHBA.

Halimi i cili njihet me emrin e artit “Euro Many”, thotë se muzikën e ka dashur që kur ka qenë fëmijë dhe është rritur me gjeneratat e vjetra të muzikës së New York-ut.

Halimi është larguar nga Kosova kur ishte ende shumë  vogël në kohën e luftës dhe tashmë në SHBA po vijon suksesshëm karrierën e tij muzikore.

“Në qytetin ku jetoj më njohin, kam imazh, sepse gjithë njerëzit kënaqen me muzikën time. Më parë sigurisht kënaqeshin edhe në klube me këngët e mia. Muzika ime ka shumë energji. E kam një trend timin, e kam stilin tim, që nuk ia kopjoj akse, vet i shkruaj tekstet, vet i bëj këngët”, shprehet Halimi për “Alb Uk Tv”.

Ai thotë se i pëlqejnë të gjithë këngëtarët, pasi tek ai le përshtypje mënyra se si ndjehet kënga dhe beson se do të jetë i suksesshëm në tregun e muzikës, pasi  njeh mentalitetin e tij të punës.

Halimi këshillon të rinjtë që e pëlqejnë muzikën dhe që kanë talent, që kurrë të mos të dorëzohen, por të punojnë pa u ndalur sepse suksesin e kanë të garantuar.

“Mua me pëlqen gjithkush, vetëm mënyra se si ndjehet kënga. Ku je në veturë dëgjoj diçka ndryshe nga ajo kur je në klub. Për këngë dhe për tekst që kanë kuptim, do veccoja më shumë rreperin shqiptar MC Kresha.  Gjithashtu më pëlqen Ledri. Me pëlqejnë artistët që kanë stilin e vet, e jo që e kopjojnë njëri-tjetrin”, tha ai.

“Unë kam besim tek vetja, i shkruaj tekstet vetë dhe këngët i regjistroj fillimisht në telefon”, shprehet rreperi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.