Të rinjtë, njerëz të shëndetshëm, ndoshta për shkak të moshës apo mungesës së sëmundjeve shoqëruese, nuk konsiderojnë një rrezik prekjen nga COVID-19.

Faktikisht, edhe pse vdekshmëria prej COVID-19 është më e hasur te të moshuarit, ende nuk i njohim mjaftueshëm pasojat afatgjata që ky infeksion viral mund të shkaktojë tek të infektuarit e të gjitha grupmoshave.

18 mijë artikuj shkencorë, që u morën me studimin e simptomave të pacientëve nga dita e 10 deri në ditën e 110 pas infektimit (pra gati tre muaj pasi janë prekur), arrijnë në konkluzione se 80% e pacientëve që shërohen nga COVID-19 do të vuajnë të paktën një nga 55 pasojat që lë infektimi nga Covid19, ndaj sipas studiuesve është mirë që mos të infektoheni asnjëherë nga ky virus.

Në një lidhje Skype për “Wake Up” nga Milano, neurokirurgu Edvin Zekaj tha se Covid prek çdo organ.

“Këtë pjesën afatgjatë të simptoma e vija re jo shumë kur shërbeja në spital Covid, sepse normalisht pacientët kur dilnin nga spitali nuk i kontrollohej, sesa në ambulatorin që bëhej kontrolli nga neurokirurgët.

Ka shumë simptoma që vazhdojnë edhe pas shërimit. Ato mund të ndahen, pasi te pacientët që kanë qenë të shtruar, ato i kanë disi më të vazhdueshme dhe të shtuara.

Një shqetësim që kanë shpesh është lodhja e vazhdueshme. Një kolege infermiere u kthye pas 6 muajsh në punë. U shtrua për 2 javë, nuk pati intubim, por nuk përqendrohej dot. Një vështirësi në përqendrim është pasojë e Covid.

Problemi kryesor është se popullsia e lidh Covidin vetëm me problemet e frymëmarrjes. Në të vërtetë, është vërtetuar që prek pothuajse çdo organ, duke filluar nga truri, pjesën e mushkërisë, zemrën, veshkën, lëkurën që shumë e nënvlerësojnë. Kam pasur shumë pacientë me probleme serioze në lëkurë dhe rënie flokësh. Disa pasoja janë permanente”, sqaroi ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.