Ambasadës së Republikës së Kosovës ka organizuar në Kanbera një aktivitet për kremtimin e 13-vjetorit të pavarësisë së Republikës së Kosovës. Eventi u mbajt më 24 shkurt, për shkak se më 17 shkurt komuniteti më i madh shqiptar në Australi, në Melburn dhe Dandenong, kishte përgatitur organizime për të shënuar 13-vjetorin e pavarësisë, por Qeveria viktoriane e futi tërë shtetin për 5 ditë në karantinim.
Eventi u mbajt në oborrin e ambasadës, konform rregullave të reja të DFAT Australian.
Në këtë ngjarje ishin të pranishëm shefi i protokollit Australian, dekani i korit diplomatik, ambasadorë, komisionerë të lartë, diplomatë të misioneve të akredituara në Komonuelthin Australian, si dhe miq australianë. Po ashtu, edhe bashkatdhetarë tanë nga Sidni, Melbourn, Adelaide dhe Kanbera.
Eventin e moderoi znj. Blerina J. Dula, e cila merret me promovimin e turzimit shqiptar, në relacionin Australi-Kosovë dhe Australi-Shqipëri. Kontributi i saj ishte vullnetar.
Shefi i Protokollit të DFAT australian, z. Ian McConville, sipas traditës, propozoi një dolli për presidenten dhe për popullin e Kosovës. Pas kësaj, u interpretua himni i Kosovës teksa ambasadori Dr. Hajdin Abazi, propozoi të njëjëtn gjë për Autralinë.
Ambasadori Abazi në fjalën e tij falënderoi të gjitha vendet që e kishin ndihmuar popullin shqiptar dhe Kosovën gjatë kohës së luftës, pastaj në shtetndërtimin e pasluftës si dhe për njohjen e shtetit të Kosovës, duke theksuar se përgjithmonë do të ju jemi mirënjohës dhe falënderues.
Ai u shpreh se ndjehet krenarë për rolin konstruktiv që Kosova po luan në rajon dhe më gjerë. “Dikur Kosova kishte nevojë për ndihmën humanitare të botës, e që nga viti i kaluar përkrah ushtrisë së SHBA-ve forcat e Kosovës marrin pjesë në misionet paqësore në botë”, tha ai.
Duke folur për aktualitetin dhe zhvillimet në vend, ambasadori Dr. Abazi, ndër të tjera, tregoi se Kosova, ndonëse me vështirësi, po ecën suksesshëm në rrugën e demokracisë. Këtë e dëshmojnë edhe zgjedhjet e 14 shkurtit, ku verdikti i qytetarit e përcaktoi fituesin, z. Albin Kurti dhje znj. Vjosa Osmani-Sadriu. Përveç mbarëvajtjes tërësisht të qetë, bukuria iu shtua zgjedhjeve edhe me njohjen e rezultateve nga partitë që kishin qenë në garë. Me këtë, theksoi ambasadori Dr. Abazi, u dëshmua se edhe në Kosovë qeverisja e vjetër mund të ndërrohet me një të re vetëm përmes votës qytetare, me çka institucioni i votës shpreh vullnetin e popullit si sovran.
Gjatë ceremonisë interpretuan dy artistët Agron Zenuni dhe Ndoc Jakaj.
