“Albanian- Canadian Excellence Society” është një shoqatë me aktivitet komunitar të Diasporës shqiptare në Kanada.

Prej vitesh kjo shoqatë është angazhuar dhe ka dhënë kontribut në shërbimin e komunitetit shqiptaro-kanadez, për institucionalizimin e aktivitetit komunitar, evidentimin dhe promovimin e ekselencës shqiptaro-kanadeze, për përpjekjet për lartësimin e emrit të Atdheut në Kanada dhe forcimin e lidhjeve të gjithanshme.

Në një takim virtual të organizuar në bashkëpunim me ACE Society, ku ishin të pranishëm dhe ambasadori i Kosovës në Kanada Adriatik Kryeziu dhe drejtues aktual e të hershëm të disa prej organizatave të Diasporës në Toronto, ambasadori shqiptar Ermal Muça shprehur mirënjohjen e tij për Ilir Azizi dhe Denisa Balla, drejtues për disa vite dhe themelues të “ACE Society”.

Ai ka uruar gjithashtu Ilda Fida dhe bordin e ri energjik “për suksese të mëtejshme dhe rikonfirmova vullnetin për vijimin me përkushtim të bashkëpunimit tonë të frytshëm e miqësor”.