Valon Et’hemi po shkëlqen te skuadra e Instansbuluspor në Turqi. Në Shqipëri, ai erdhi fillimisht për llogari të skuadrës së Mamurrasit, ekip i një province, ku Et’hemi e kishte si trampolinë e më pas shkoi për provë te Kukësi, aty ku u bë pjesë e skuadrës, e më pas zuri vendin e titullarit, por edhe u kthye nga pikat e forta të skuadrës. Në një intervistë të dhënë për “Sport Time”, Valoni fillimisht ka pohuar se: “Unë më i urti nga Abazaj dhe Rroca? Nëse çunat e mendojnë ashtu, është e vërtetë”.
“Një futbollist të qëndrojnë 6 muaj pa ndeshje është e vështirë. E kam vuajtur por duke i pasur afër njerëzit e dashur, ma bënë më të lehtë. Më kanë ndihmuar dhe falë Zotit jemi këtu tani. Ishte hera e parë që mungoja 6 muaj. Ndodhën disa probleme gjatë rrugës, por kjo është jeta. Ka pengesa rrugës që duhet t’i kalosh. Megjithatë gjithçka kaloi dhe tani po shijoj momentin me ekipin e ri.”
“Skuadra e re? Të jesh shqiptar këtu, është diçka shumë e mirë. Abazaj dhe Rroca kanë ndikimin e tyre që erdha këtu, por edhe objektivat e skuadrës më bindën.”
“Ambientimi? Jemi ambientuar mirë. Më kanë pritur mirë. Edhe çunat më kanë ndihmuar. Nuk ishte shumë e vështirë të ambientohesha, pasi unë e flas pak edhe gjuhën turke. Të gjithë më kanë pritur shumë mirë.”
“Menaxhimi? Normale ishte një vendim që e morëm bashkë. Ka edhe persona të tjera, jemi një grup që konsultohemi.”
“Kombëtarja? Për ne shqiptarët e Maqedonisë është ëndërr të luajmë për Shqipërinë. Momentalisht nuk po mendoj, pasi nuk kam ndonjë ftesë. Nuk kam bërë asgjë në fushë momentalisht dhe nuk mund të kërkoj Kombëtaren.”
“Femrat shqiptare dhe turke? Në të dyja shtet femrat i kanë të bukura, por mund të them se Tirana është më e mirë për jetën.”
“Lojtari i Superiores për Turqinë? Ka lojtarë shumë të mirë. Kampionati shqiptar ka shumë lojtarë të mirë. Mund të them shoku im Vesel Limaj, ka shumë cilësi. Superiorja shumë lojtarë me cilësi.”
“Ndryshimet? Mund të them që këtu luhet futboll i hapur, nuk janë shumë taktikë,. Të gjithë duan të fitojnë.”
“Supersfida e së dielës? Kam shokët te Kukësi dhe te Partizani. Mendoj se fiton Partizani. Të kuqtë më duken më lart. Vllaznia na ka surprizuar të gjithëve, shpresoj të vazhdojë kështu”, – ka përfunduar Valon Et’hemi, ish-lojtari që spikati me Kukësin në elitën e futbollit shqiptar./VipSport
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
