Teksasi i SHBA-së është përfshirë prej ditësh nga një stuhi dimërore me borë, ku si pasojë qindra njerëz kanë mbetur pa ujë dhe energji elektrike, një ngjarje kjo e pazakontë për ta.

Për ky i ftohtë nuk pengon ngrohtësinë e zemrave të njerëzve si Ari Isufaj, pronari i një restoranti në zonë.

Restoranti i tij “Bella Italia Ristorante” në Plano hapi dyert për të ushqyer falas të gjithë ata që kishin nevojë duke bërë krenar shqiptarët dhe duke dhënë një kontribut të çmuar në komunitet.

Ai rrëfen për televizionin amerikan VFAA se kanë gatuar me gaz për shkak të mungesës së energjisë dhe në tre orë ekipi i tij ushqen 600 persona në ditë.

Një zonjë nuk kishte energji elektrike prej 41 orësh dhe erdhi në restorantin e Arit. “Kisha ftohtë, ushqimi i ngrirë. Këta janë njerëz të veçantë”, tha ajo.

Restoranti i Arit bën ushqim italian dhe të gjithë janë të kënaqur me spagetit dhe lazanjat e ekipit të tij. Për Arin kjo është gjëja më e mirë për të bërë për fqinjët e tij. Tashmë në Teksas energjia është rikthyer por njerëzit i janë mjaft mirënjohës Arit që iu gjet në momente të vështira.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.