Në një rrëfim të gjatë për prestigjiozen spanjolle të sportit AS, Keidi Bare ka treguar gjithçka për jetën e tij.
Emrin nuk e ka tipik shqiptar por nëna dhe gjyshja e tij e kishin parë në televizor. Spanjishten e ka mësuar pa mësues dhe AS vëren se e di në mënyrë të përsosur.
Ish lojtar i Atletico Madrid dhe Malaga sot po korr sukses në Espanyol. Ai tashmë mbledh frytet e një karriere plot sakrifica që siç rrëfen dhe për AS nis mes trazirave në Shqipëri dhe Luftës në Kosovë.
“Kjo është e vërtetë, por që nga fillimi e kisha shumë të qartë se doja të vija në Espanyol. Ndihesha shumë mirë me veten dhe besimi që klubi më dha më bëri përshtypje. Ata bënë të pamundurën. Unë rrezikova dhe doli mirë. Ju duhet t’i merrni ato, nëse nuk bëni ju nuk vleni asgjë”, ka thënë Bare për AS ku tregon pse pranoi të nënshkruante me Espanyol në një kohë që e kërkonte dhe këmbëngulte dhe Getafe.
Por sakrificat e tij Keidi nuk i harron, ku vetëm 11 vjeç iu desh të qëndronte larg familjes në Greqi. “Babai im, i cili siç thashë ishte shumë i rreptë për futbollin, e kuptonte që unë nuk kisha të ardhme në Shqipëri. Greqia më dha mundësinë të rritem edhe pse më duhej të jetoja vetëm për katër vjet, njësoj si më vonë në Atlético. Por ky është futbolli: të marrësh vendime, të punosh shumë dhe të kesh qëllimin të shkosh larg. Mendoj se po bëj diçka të mirë tani dhe nuk do të ndalem këtu. Unë sakrifikova shumë për futbollin, fëmijërinë time pa miq dhe familjen time, për të arritur këtu ku jam. Nuk e dija si ishte të kisha miq, nuk dola të luaja me djem të tjerë sepse gjithçka ishte top. Kam kaluar një kohë vërtet të keqe, fatalisht, që isha larg familjes time në moshën 11 vjeç, por më duhej të mendoja për të ardhmen time”, ka rrëfyer ai.
Në Malaga ku sapo kishte shpërthyer suksesi i tij Keidi më në fund u bashkua dhe me familjen e tij. “Po, unë kam jetuar me ta për dy vjet. Dhe ndihem e plotë, sepse ata janë gjithçka për mua. Ata gjithashtu kaluan shumë keq, më panë vetëm në verë. Ata më ndihmojnë të ndihem i përqendruar, tani në Barcelonë ata vazhdojnë të jetojnë me mua dhe unë dua që ata të jenë gjithmonë me mua për shkak të qetësisë që më transmetojnë. Me familjen afër jam më i lumtur”, ka thënë Keidi.
Referuar situatës aktuale, Keidi thotë se i mungon jehona e tifozëve në fushën e lojës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
