Rita Ora u komplimentua gjerësisht për mini-albumin “Bang”, për të cilin ka bashkëpunuar me një sërë emrash të njohur, mes të cilëve dhe David Guetta.

Ajo çfarë e bën më të veçantë klipin e publikuar ditën e djeshme, është paraqitja e këngëtares, e cila shfaqet me kostume me elemente tradicionale shqiptare.

Lexo edhe: Rita Ora publikon këngën e re, 100 mijë klikime në më pak se një orë

Në intervistat e fundit, Rita është shprehur se dëshira e saj kishte qenë të përfshinte trashëgiminë kulturore në klipin e saj. “Fillimisht kur më erdhi ideja për të realizuar këtë mini-album, doja të bëja një paraqitje vizuale të mahnitshme, për të prezantuar prejardhjen time, gjë që e kam bërë gjithmonë me artin tim.”, u shpreh Rita.

Sakaq, Rita ka “pushtuar” dhe New York-un. Ka qenë motra e saj, Elena, e cila ka publikuar një fotografi duke u treguar të gjithë ndjekësve se ekranet gjigante të Times Squares, kanë shfaqur sekuenca të këngëtares në veshje kombëtare, një detaj i rëndësishëm jo vetëm për projektin e ri muzikor të saj, por gjithashtu dhe për traditat tona.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.