Violinisti Jonian Ilias Kardesha do të jetë pjesë e një koncerti “nga shtëpia”, EUROPE@HOME të realizuar nga televizioni “ARTE”.
“Në distancë por afër”, falë muzikës dhe kulturës është motoja e nismës së kanalit europian dedikuar kultures. Do të jenë 27 koncerte “në shtëpi” duke nisur nga muzika klasike, jazz, e duke kalar në teatër. Transmetimi do të bëhet drejtpërdrejtë nga “ARTE Concert”.
Transmetimet kanë nisur më 12 shkurt duke nisur serinë e shfaqjeve të drejt për drejtë që do të gjallërojnë për nëntë javë rresht fundjavat me artistë nga gjithë Europa.
Udhëheqësi i tyre nga shtëpia e tij në Berlin do të jetë violinisti britanik dhe fitues i çmimit europian të Kulturës 2015, Danil Hope.
Qëllimi i kësaj nisme, sipas organizatorëve është për të theksuar rëndësinë e idealit evropian dhe për të ringjallur entuziazmin për ndjenjën ndaj komunitetit. Për këtë arsye eventet do i kushtohen trashëgimisë kulturore dhe muzikore të Europës. Eventi u hap nga Portugalia, ndërkohë që të ftuar për javët e ardhshme krahas Kardeshës janë konfirmuar Michael Barenboim dhe Camille Thomas (Franca), Nils Landgren (Suedia), Herta Müller dhe Andrej Ionita (Rumania), Stepanka Pulcakova (Republika Çeke), Gediminias Gelgotas (Lituania), Martina Filjak dhe Jelena Kordic (Kroacia), Tanja Sonc (Sllovenia), Jonian Ilias Kardesha (shqiptaro-grek) e Marie Hauzel (Gjermania).
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
