Ambasada shqiptare ne Romë ka njoftuar qytetarët që kanë aplikuar për pasaporta dhe karta identiteti deri më datën 22 janar 2021, se dokumentet kanë mbërritur.
Dokumentet do të dërgohen me anë të shërbimit postar për të gjithë ata shtetas që kanë bërë kërkesë për një shërbim të tillë. Gjithashtu mund të tërhiqen pranë konsullatës nga ora 09:00 deri në orën 15:00.
Lexo edhe: Si të aplikoj online për rinovim dokumentash biometrike dhe deklarim të adresës
Njoftimi i plotë
Ambasada e Republikës së Shqipërisë në Romë njofton qytetarët që kanë aplikuar për pasaportë dhe letërnjoftim deri më datën 22 janar 2021, se dokumentet kanë mbërritur.
Në zbatim të legjislacionit të emergjencës COVID-19, ato do të mund të tërhiqen edhe përmes korrierëve postarë.
Nëse nuk keni plotësuar formularin për tërheqjen me korrier në ditën e takimit në Ambasadë, atëherë cilido korrier që zgjidhni duhet të pajiset me:
- Autorizimin e firmosur për tërheqjen, shoqëruar nga kopja e dokumentit tuaj të identifikimit;
- Kuponin e aplikimit që keni marrë në Ambasadë;
- Dokumentin “lettera di vettura”, vetëm nëse ju kërkohet nga korrieri.
Adresa jonë është:
Ambasciata della Repubblica d’Albania
Via Asmara 3 – 5
00199 Roma
Italia
Tërheqja e dokumenteve kryhet në çdo ditë pune, në orarin 09:00-15:00.
Kujdes: Pasaportat dhe kartat ID nuk i dorëzohen korrierit, nëse mungon dokumentacioni i kërkuar për tërheqjen.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
