Dr. Sc. Agr. Ardita Hoxha-Jahja, jeton prej disa vitesh në Finlandë ku ka një rrugëtim të suksesshëm profesional në Diasporë.

Më saktësisht ajo ka filluar si eksperte nga Peruxha e Italisë dhe më pas si hulumtuese në një Universitet në SHBA, kurse doktoraturën e ka përfunduar në Hofenheim të Gjermanisë. Ajo tregon si u gjend në Finlandë, rreth inovacioneve në profesionin e saj dhe aktivitetet ku do të marrë pjesë këtë vit.

“Nga shtatori do jem pjesë e një kurrikule në Finlandë, që ka të bëjë me shëndetin publik dhe së shpejti si ligjëruese në Universitetin “East Normal Shangai” në Kinë”, – tregon dr. Hoxha.

Duke folur për inovacionin në bujqësi dhe punën e saj në Finlandë, Ardita thotë se më shumë rëndësi i kushtohet edukimit në këtë sektor. Ajo tha se pret të kontributojë edhe në vendlindjen e saj në Universitetin e Prishtinës.

“Blegtoria është shumë e zhvilluar sidomos në pjesën e rajonit verior. Kështu mendojnë njerëzit për Finlandën, po nuk është e vërtetë. Më shumë i kushtojnë rëndësi edukimit në bujqësi, si të prodhojnë produkte në bazë të kushteve atmosferike që ekzistojnë”, tha ajo më tej.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.