Mjeku shqiptar në Britani Laidon Shapo foli për variantin e ri të COVID-19 dhe përhapjen e mutacioneve të virusit në Britani dhe jo vetëm.

Ditën e djeshme Ministrja e Shëndetësisë, Ogerta Manastirliu përmes një konference për shtyp deklaroi, se ka dyshime se në vendin tonë po qarkullon mutacioni i COVID, pasi ka rritje të rasteve të ditëve të fundit dhe raste riinfektimesh.

Duke folur pikërisht për këtë çështje, hyrjen e mutacioneve të COVID-19 në vendin tonë, i ftuar në “Spotlight” në “Vizion Plus”, mjeku i njohur Laidon Shapo nga Britania e ka krahasuar marrëdhënien mes mutacioneve nga COVID-19 si një lojë të mafies, ku më i forti dominon të dobëtin.

“Ky virus me mutacionet e tij, i ngjan një loje të mafias, prej ku një virus më i shpejtë dhe më i fortë dominon tjetrin. Për momentin kemi dhe variantin e Afrikës së Jugut, i cili në momentin që flasim ka 147 raste të konfirmuara. Pra, pak, sepse këtu është lockdown, ndërkohë që variant tjetër është përhapur mirë dhe kontrollon sipërfaqe të mëdha të gadishullit britanik”, tha Shapo

Gjithashtu ai sugjeroi në këtë linjë se duhet të mbyllen baret, restorantet dhe dyqanet jo të rëndësishme.

“Të mbyllen baret dhe restorantet dhe të gjitha dyqanet jo të rëndësishme, duke lënë hapur vetëm ushqimoret. Të mos ketë përzierje brenda shtëpive dhe të bën vetëm nga 6 veta në 2 shtëpi të ndryshme, ku mund të takohen jashtë. Të mbahen maskat dhe të ruhet distancim i fortë, higjiena dhe të ecet me vaksinën me shpejtësi maksimale”, këshilloi doktor Shapo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.