Qëndresa Sadriu është pjesë e politikës në Zvicër. 26-vjeçarja shqiptare është pjesë e Këshillit në Kantonin e Zyrihut. Ajo është shqiptarja e parë e zgjedhur në parlamentin e Kantonit të Zyrihut.

E drejta e votës për gratë në Zvicër u prezantua 50 vjet më parë. Një hap i parë drejt barazisë. Pavarësisht se kanë kaluar 50 vite Qëndresa Sadriu tregon se jo gjithçka është shumë e thjeshtë edhe në Zvicër.

“Në Zvicër nuk është gjithçka fushë me lule. Unë dua të inkurajoj gratë e tjera me një sfond migrimi të bëhen aktive dhe të luftojnë për ndryshim. Nëse lufton për ëndrrat dhe dëshirat, atëherë do të arrish diku. Është shumë e rëndësishme që ne te kemi zërin tonë përfaqësues në parlament”.

Qëndresa Sadriu ka kryer praktikën si asistente dentare, më pas ka mbaruar edhe maturën ndërsa ka filluar studimet për shkenca sociale në Shkollën e Lartë Pedagogjike në Zyrih.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.