Drejtuesi i shoqatës kulturore arbëreshe “Vëllezërit Arbëreshë”, Mimmo Imbrogno, gjatë një interviste televizive ka folur rreth aktiviteteve të shoqatës të realizuar jo vetëm në komunën arbëreshe të Frashinetos, por kudo nëpër Europë ku kanë zhvilluar ture artistike dhe kulturore.

“Shoqata jonë u krijua në vitin 2015. Nuk është më shkollë, dhe shumë aktivitete, por grupe që bëjnë teatro, sjelli gjuhën e traditat, shkmëbejmë libra dhe histori. Ne sjellim këngën, historinë dhe të veshmen, stolitë. Ne u krijuam si shoqatë kulturore dhe në Itali bëmë shumë koncerte. I pari koncert që u bë me grupin tonë ishte në Kroaci, Zagreb në festën e Flamurit. Më pas Ermira Lefort na takoi dhe na propozoi jnë projekt bashkë, dhe me këtë rast bëmë koncert dhe fituam cmimin në Civita”, tha ai mes të tjerash.

Gjatë intervistës Imbrogno ka performuar edhe këngën e mirënjohur arbëreshe “Moj e bukura More”.

Më pas ai foli mbi aktivitetet ndërkulturore përsa i përket ruajtjes së gjuhës shqipe dhe projektet për të ardhmen.

“Dhe në Shqipëri bëjmë binjakëzim me shkollën arbëresh në Itali dhe shkollën shqiptare dhe fëmijët shqiptarë dhe kosovarë bëjnë në shkollë arbëresh dhe kështu bëhet dhe në Itali me ndihmën e shtetit në Italisë, shkollë shqiptare dhe më pas binjakëzim. Fëmijët vijnë në Itali, mësojnë arbëreshe. Dhe në Shqipëri është mirë të mësojnë arbëresh sepse janë rrënjët e gjuhës. Kemi bërë shumë kujdes sepse është e mirë. Të gjithë iknin nga fshatrat për punë, të tjerë martohen jashtë bëjnë fëmijë jashtë prandaj te veriu i Italisë nuk flasin arbëresh”, thotë më tej Imbrogno.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.