Një tjetër sukses shqiptar në fushën e kinematografisë, dhe bëhet fjalë për filmin debutues “Në kërkim të Venerës” të Norika Sefës e cila ka fituar një çmim.

Filmi ka marrë çmimin special të Jurisë (Special Jury Award) gjatë ceremonisë së shpërndarjes së çmimeve të Festivalit të Roterdamit, IFFR.

Regjisorja Norika Sefa në një video mesazh gjatë eventit bëri të ditur se ky film i mori pesë vite të jetës së saj dhe e konsideron një çmim të rëndësishëm për filmin dhe një prestigj pasi IFFR sipas saj inkurajon sfidat narrative dhe inovacionin në fushën e filmit dhe ky është një motiv i madh për mënyrën si ajo punon.

“Unë personalisht falenderoj Besnikun, bashkëpuntori më i afërt, dikush që më ka besu, shtytë e inkuraju, por edhe Luis Armando Arteaga, – duke e ditë që ky film ka pasë për qëllim me sfidu anën vizuale, unë kujtoj sa kohë energji e motivim është dashtë për me ardh deri këtu!” u shpreh regjisorja Norika Sefa.

Në film luajnë: Kosovare Krasniqi, Rozafa Çelaj, Erjona Kakeli, Basri Lushtaku, Bleon Monolli, Fatushe Nushi, Ajan Zharku, Ermal Bilalli, Tristan Halilaj, Shend Miftari, Anisa Ismajli, Sheqerie Buqaj etj. Me drejtor të fotografisë – Luis Armando Arteaga, montazhë – Stefan Stabenoë, skenografi – Arben Shala, zërim – Risto Alchinov, kostumografi – Desantila Lika, dhe grim – Lidona Berisha.

“Në kërkim të Venerës” me producent Besnik Krapin është bashkëprodhim në mes të Kosovës dhe Maqedonisë së Veriut i prodhuar nga Circle Pruduction dhe me bashkëproducent Igor Popovskin dhe Gazmend Nelën. Filmi gjithashtu është mbështetur edhe nga Komuna e Kaçanikut dhe Komuna e Prishtinës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.