Në San Marzano të San Giuseppe, në provincën e Tarantos është themeluar më 6 shkurt 2019, Laboratori Muzikor Kulturor Arbëria, nga bashkëthemeluesit Leonardo Belvedere, Luciano Vitti dhe Cosimo di Maglie. Një ndër veprat materiale më të bukura të realizuar prej tyre është “Arbëri në miniaturë”.

Kukulla të vogla, me kostumet e katundeve arbëreshe që rrinë përbri tabelave ku shkruhet vendi ku përdoren veshja e tyre, përbri shtëpive karakteristike, të ndërtuara zakonisht në relieve pak të ngritura, si ato të fshatrave arbëreshe, shumësia e të cilave në të folurën divulgative njihet si Arbëria.

Lexo edhe: Arbëria një muze në miniaturë për kulturën dhe traditat

Videoja prezantuese e këtij maketi, i pari në llojin e tij, shoqërohet me një interpretim kënge nostalgjike arbëreshe, e cila të sjell ndër mend motin e shkuar. Ambientet dhe personazhet ndriçohen bukur, dhe dëshmojnë një punë paraprake studimore të secilit element.

E gjitha, është realizuar nga Laboratori Muzikor Kulturor Arbëria, që funksionin si qendër e kërkimeve dhe e katalogizimeve të pasurisë muzikore arbëresheLaboratori merret edhe me studimin e përdorimit të kostumeve tradicionale. Në këtë qendër përfshihet edhe një grup folkorik i emërtuar “Katundi Jonë”. Arbëria në miniaturë, që është ndërtuar me Tony Zecca i cili së bashku me Cosimo di Maglie, i kanë realizuar me dorë të gjitha pjesëzat e maketit, me materiale kartoni dhe polisteroli.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.