Për herë të parë botohet libri mbi ushqimin dhe trashëgiminë gastronomike shqiptare. Ky botim realizohet me mbështetjen e FAO dhe Slow Food International.
Pas Kenias dhe Meksikës tashmë Shqipëria do të ketë botimin e saj “Ushqim, histori dhe njohuri mbi trashëgiminë gastronomike shqiptare”. Ajo prëmban 57 produkte autoktonte të identifikuar dhe skeduar, ku u është dhënë treguesi gjeografik, karakteristikat dhe vlerësimi organoleptik, historia agronomike, mënyrat e gatimit etj. Po ashtu, për secilin produkt (bujqësor, blegtoral apo të përpunuar) janë dhënë shkalla e rrezikut apo kërcënimit të zhdukjes.
Nisma i përket blogut “Luga e Argjendtë”, drejtuesja e të cilës thotë se i është dashur gati 2 vite punë për ta sjellë këtë punë në dritë.
Të përfshirë në botim janë agronomë, veterinerë, bujq, profesorë të UBT-së që kanë kontribuar në këtë rrugëtim. Ashtu siç UNESCO ruan objektet, zakonet dhe traditat e kulturës botërore, po ashtu Slow Food International ruan trashëgiminë dhe memorien agronomike dhe gastronomike të një kombi.
Me këtë dokument- libër Shqipëria është e para jo vetëm në Balkan por edhe në Evropē që hartëzon produktet e saj sipas territoreve ngaku origjinojnë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.