Eksperti i Shëndetit Publik në Universitetin e Harvardit, Gani Abazi në një lidhje me “Skype” u shpreh se mutacionet mund ta nxjerrin jashtë loje vaksinën kundër virusit. Sipas tij, vaksinimi sa më i shpejtë i popullsisë në të gjithë globin do të mundësojë vënien nën kontroll të virusit. Në këtë mënyrë do të ndalohet multiplikimi i tij dhe paraqitja e mutacioneve të mundshme, të cilat janë tërësisht natyrale në evolucionin e virusit.

“Deri më tani janë identifikuar tre variante, mirëpo mendoj se kjo mund të ndodhë përsëri nëse nuk vihet në kontroll pandemia. Nëse virusi vazhdon të multiplikohet, mund të kemi mutacione që mund të paraqiten në të ardhmen. Deri më tani mutacionet e paraqitura janë të prekshëm nga vaksinat mirëpo nëse virusi nuk bie në kontroll mund të ndodhë paraqitja e një varianti që është i rezistueshëm ndaj vaksinave. Deri tani nuk ka ndodhur por teoritikisht është e mundur.“, u shpreh mjeku në “Abc-ja e mëngjesit”.

A ka gjasa që mutacioni të infektojë personat e vaksinuar? Deri më tani nuk wshtë vërejtur një gjë e tillë, por teorikisht është e mundur që struktura gjenetike e virusit të ndryshojë gjatë shumëzimit të tij, aq shumë sa virusi e ndryshon strukturën molekulare dhe antitupat e krijuar nga vaksinat mund të mos krijojnë mbrojtje”, u shpreh Abazi.

Ndërsa pyetjes se kur mund t’i kthehemi normalitetit, eksperti Abazi shprehet: “Shpresoj që nga fundi i verës një pjesë më e madhe e popullsisë mund të vaksinohet dhe atëherë dalë nga dalë do të kemi rikthim në aktivitetet normale”, shtoi ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.