Ministri i Shtetit për Diasporën, Pandeli Majko u shpreh në emisionin “Open” të Eni Vasilit se për votën e shqiptarëve jashtë vendit duhet dakordësi për të zbatuar ligjin.

“KQZ duhet të zbatojë ligjin pa pritur se dikush nga partitë politike t’i thotë jemi dakord për të zbatuar ligjin. Duhet të zbatohet kodi zgjedhor, është një ligj që prevalon dhe mbi ligjin me shumicë të thjeshtë. Nuk jam duke bërë as partizanin, as presionin, kam bindjen se z. Celibashi dhe të tjerët janë të angazhuar në këtë drejtim. Gjithë këto vonesa na kanë sjellë në këtë situatë, po jo në asnjë rast nuk do të thotë se nuk do të ketë votim të shqiptarëve jashtë. KQZ po vonohet kot, nuk kam arsye të them që nuk po zbaton ligjin, por po vonohet kot”, tha z. Majko.

Z. Majko tha se numri i shqiptarëve me pasaporta europiane po shkon në gjysmë-milion dhe patjetër që duhet që këta shqiptarë të votojnë.

“A kemi ne sot një regjistër të adresave? Nuk besoj se e kemi të plotë këtë, për një arsye të natyrshme të procesit dhe përshtatjes administrative të strukturave shtetërore. Po kemi një bllok njerëzish që plotësojnë të gjitha cilësitë ligjore. Numri i shqiptarëve me pasaportë europiane po shkon në gjysmë-milioni. Nuk e kuptojmë pse PD është kundër. Ata janë një nivel tjetër kulturor dhe ekonomik dhe kështu nuk kanë asnjë presion për të votuar Edi Ramën. Në Kosovë shqiptarët jashtë votojnë. Nuk kemi nevojë për të krijuar ndonjë filozofi. Marr si shembull Kosovën se ata janë i njëjti mentalitet si ne”- tha Majko.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.