Tre futbollistët shqiptarë, Valon Ethemi, Kristal Abazaj dhe Eduart Rroca vazhdojnë të shkëlqejnë në Turqi, aty ku aktivizohen me skuadrën e Istanbusporit.
Dy mesfushorët kanë gjetur rrugën e rrjetës ditën e sotme ndaj Altaj, duke i dhënë avantazhin e dyfishtë Istanbulsporit në pjesën e parë.
Rroca, pas një pasimi perfekt të marrë nga e djathta, gjuan fort me të djathtën dhe topi ndalet në rrjetë, ndërkohë që në të 45-ën, është i njëjti futbollist, që bën njeriun asist ndaj Ethemit, me këtë që gjen rrugën e rrjetës në debutim. Pas golit të parë, të dy lojtarët festuan me shqiponjë.
Nuk mund të mungonte edhe Abazaj, i cili gjithashtu u bë protagonist në minutën e 85′, duke dhënë asist në golin e tretë, që vulosi sfidën në 1-3.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.