Baritoni i shqiptar Gëzim Myshketa, në një intervistë nga Bolonja rrëfen për veprimtarinë e tij artistike dhe planet në të ardhmen. Ai gjithashtu ka treguar edhe për një projekt të afërt për publikun në Shqipëri.

“Momentalisht jam në shtëpinë time në Itali. Sapo jam kthyer nga Franca ku isha pjesë e Operas me “Falsatafin” e Giuseppe Verdit. Një opera e cila u realizua edhe në formatin e një DVD që do të shpërndahet në të gjithë Evropën. Nga pamundësia për të pasur publik, realizuam këtë format. Është një mundësi e mirë në pamundësi për të pasur publikun në sallë. Kështu do të vazhdojmë edhe në Marsejë, me shpresën se sa më parë do të kemi publikun në sallë, sepse na mungon shumë kontakti me publikun”, shprehet Gëzim Myshketa.

Përsa i përket vizitës së shkurtër në Shqipëri baritoni tregon se ishte një vizitë për të takuar njerëzit, si dhe për të diskutuar rreth një projekti të rëndësishëm “Herën e fundit erdha thjesht sepse kisha mall për Shqipërinë dhe njerëzit, si dhe diskutime në lidhje me një project që dua të realizoj me kalimin e kohës. Është ende një projekt, por mendoj se do të jetë një dhuratë për të gjithë shqiptarët. Është një projekt që unë e kam shumë përzemër. Do të jetë shqip ndaj e dua shumë dhe ka shumë kohë që e kam në mendjen time dhe dua ta realizoj këtë projekt. Jam angazhuar shumë dhe shpresoj se do jetë një projekt i bukur. Gjithmonë kur kam ardhur në Tiranë përgjigja e publikut ka qenë fantastike, ndjesi që nuk e kam marrë edhe në vende ku opera është më e përditshme. Interesi i publikut shqiptar është shtuar”. Vizionplus

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.