Në Marignone të Italisë rihapet shkolla e hipizmit dhe është kalorësi i shkallës së dytë, Adriatik Tafani njëkohësisht dhe instruktori që hapi dyert.

Tafani ka qenë anëtar i ekipit të parë të kalimit me pengesa në Shqipëri, dhe ka kaluar një jetë mbi kalë duke udhëtuar nëpër botë e duke marrë pjesë në gara kombëtare e ndërkombëtare përfshi edhe Kampionatin Ballkanik, i quajtur dhe si “kalorësi i Ballkanit”.

Ai do të mbështetet nga instruktorja tjetër Chiara Nicoletti. Të dy janë të njohur e të vlerësuar në qarqe kombëtare e ndërkombëtare dhe bashkëpunojnë prej gati dy vitesh.

Qëllimi i Adriatikut, duke marrë përsipër shkollën e dikurshme të hipizmit, “Le due Creste” në Marginone, është ti afrojë fëmijët më afër një bote jo shumë të njohur, por shumë të dobishme për rritje e brendshme që e ndihmon të mësojë të kujdeset për një kafshë kaq madhështore, duke fituar pavarësi dhe vetëvlerësim.

Për më tepër, qëllimi i dy instruktorëve është të përsosin dhe përparojnë kalorësit tashmë me përvojë dhe të tjerë, përfshi trajnimin e kuajve të rinj dhe një karrierë konkurruese.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.