Profesor Shenasi Aliu me prejardhje nga Vaksinca e komunës së Likovës (Maqedonia e Veriut) i diplomuar në vitin 1995 në Universitetin në Prishtinë dega Biologji u vendos në Zvicër në vitin 1990, ku prej 20 vjetësh është anëtar i shoqatës së Ekologëve për Mbrojtjen e Natyrës dhe Ambientit.
Punën si biolog nuk e bën vetëm përmes këshillave duke u treguar njerëzve për efektet shëruese që kanë bimët që rriten në shumë vende në natyrë, e sidomos në kantonin ku edhe jeton Shenasiu, në kantonin e St. Gallenit. Shpesh ai del vetë në kërkim të bimëve të cilat pasi i mbledh i përpunon në mënyrë të thjeshtë dhe i përdor për kura të ndryshme.
Sa i përket jetës si Diasporë, Shenasiu në Zvicër ka migruar në vitin 1990, ku fillimisht u mor me punë të ndryshme prej vitit 2000 është anëtar i “St. Gsller Naturschutznachrichten”, shoqatë kjo e Ekologëve për Mbrojtjen e Ambientit, ku edhe ka emra të njohur nga fusha e biologjisë. Ai thotë se duke qenë për 20 vjet anëtarë i kësaj shoqate edhe më tej e ka perfeksionuar fushën ne të cilën ka studiuar, duke pasur kontakt edhe me biologë dhe ekologë jo vetëm brenda Zvicrës, por edhe nga jashtë që kanë ardhur për të ligjëruar apo marrë pjesë këtu në qytetin e ST. Galenit ku edhe jeton prej vitesh Shenasiu.
Krahas kësaj si rrallë ndokush në Zvicër, Shenasi Ali ka vizituar edhe pikat më atraktive kulturore, historike e turistike në Zvicër, që paraqesin perle të veçanta për vizitorë jo vetëm për brenda shtetit helvetik.
Po ashtu gjatë dy tri viteve të fundit krahas viseve shqiptare dhe monumenteve të personaliteteve historike e kombëtare të shqiptarëve ai ka vizituar edhe vendlindjet apo vendbanimet e figurave të shquara botërore që kanë lënë gjurmë në histori, shëndetësi, apo art e kulturë, arsim e sport.
Biologu Shenasi Aliu prej 6 muajsh realizon emisionin e tij çdo të diel nga ora 20:00 deri në ora 22:00 në “Radio Lyra” nën moderimin e Hysni Baliut dhe të udhëhequr nga nga ana e tij. Emisioni titullohet: “ Shëndeti dhe bimët aromatiko-mjekësore”. Prointegra
Nga Rexhep Rifati
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
