Në Tiranë është nënshkruar këtë të martë (26 janar) marrëveshja për dhurimin e 2.5 milionë eurove nga Greqia për rindërtimin e shkollës profesionale në kompleksin “5 maji” në kryeqytetin shqiptar.

Kjo marrëveshje është kontribut i Greqisë në rindërtimin pas tërmetit të nëntorit 2019 që goditi Shqipërinë, dhe u nënshkrua nga ministri për Rindërtimin, Arben Ahmetaj dhe ambasadorja e Greqisë në Tiranë, Sofia Philippidou.

“Ne nënshkruajmë sot me Ministrin e Rindërtimit, Z. Arben Ahmetaj, marrëveshjen për dhurimin nga Greqia prej 2.5 milion euro, të cilën ne e shpallëm në Konferencën Ndërkombëtare të Donatorëve “Together for Albania”, të mbajtur në Bruksel shkurtin e kaluar. Kjo është një provë tjetër e solidaritetit midis vendeve dhe popujve tanë dhe mbështetjes së tyre për njëri-tjetrin kur ekziston një gjendje nevoje. Ky donacion i shtohet përgjigjes së menjëhershme të qeverisë greke, por edhe solidaritetin spontan të treguar nga populli grek dhe emigrantët shqiptarë në Greqi, që në kohë të vështira, pas tërmetit të 26 nëntorit 2019. Ne jemi të kënaqur që projektet e rindërtimit po përparojnë dhe që ne do të jemi pjesë e një programi kaq të rëndësishëm dhe modern si rindërtimi i një shkolle profesionale në kompleksin “5 maj” në Tiranë. Kjo është ajo që ne besojmë se do të hapë rrugë të tjera bashkëpunimi në nivelin e formimit profesional”, tha ajo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.