Dy boksierët shqiptarë Robin Krasniqi dhe Jurgen Uldedaj janë nominuar në Gjermani për çmimin “Boksieri më i mirë i vitit nga tifozët”.

33-vjeçari Robin Krasniqi është një boksier profesionist. Ai është me origjinë nga Kosova dhe mbron ngjyrat Gjermane i cili u shpall kampion bote për peshat mesatare në vitet 2013/5.

Ndërsa 23-vjeçari nga Lezha është një ndër sportistët shqiptar që ka arritur rezultate të larta, pasi është edhe kampion i dyfishtë i botës në WBC dhe WBO.

Faqja më e madhe gjermane e boksit Boxen1.com ka shpallur garen për çmimin “Boxen 1 Fan Award”, ku mund të votohet për boksierin apo boksieren më të mirë të vitit 2020, nga tifozët.

Në listen e 33 boksierëve dhe boksiereve është nominuar edhe lezhjani Jurgen Uldedaj.

Sipas shkrimit të publikuar në faqen Boxen1.com, votimi është hapur me 22 janar dhe do tē mbyllet me 31 janar 2021, kur do të shpallet edhe boksieri më i mirë dhe boksieria më e mirë e votuar nga tifozët.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.