Shoqata “Bijtë e Shqipes” ka vlerësuar sipërmarrësit shqiptarë në Filadelfia të cilët prej muajsh po kalojnë vështirësi për shkak të situatës së COVID-19, por kanë dhënë kontributin e tyre humanitar për të ndihmuar njerëzit në nevojë dhe në vijë të parë përballë virusit.

Sipërmarrësi Alex A. Daku zotёron “Amici Restaurant“, Astrit Shini dhe vёllezёrit Jashar e Hekuran Daku zotёrojnё “Il Fiore Restaurant“, si dhe vёllezёrit Gani e Bujar Daku dhe Mefail Kupa me grup restaurantet “La Fontana”. Të tre restorantet kanë marrë çertifikatë mirënjohje nga Shoqata “Bijtë e Shqipes” me motivacion: “Për kontributin e madh që dhanë duke dhuruar shpresë, si dhe ushqim falas tek njerëzit në nevojë, tek personeli shëndetësor i spitaleve dhe efektivavat të policisë që ishin në vijën e parë të mbrojtjes së jetës, gjatë periudhës së pandemisë COVID-19 të vitit 2020”.

 Gjatё muajve të pandemisë, në njoftimet e pёrditshme të bizneseve që ata zotërojnë u bёhej thirrje njerëzve nё nevojё tё mos qëndrojnë pa ushqim nё shtëpi, por tё afrohen nё sportelet e tyre ku do t’ju shёrbehej ushqim falas, ose ushqimi dërgohej në shtëpi kujtdo që e kërkonte.

Alexi, Bujari e Hekurani, duke kujtuar moton e fushatёs sё tyre “Tё ndihmojmё ata qё kanё nevojё”, i rremben dёshira qё ky motiv tё jetё pёrgjithmonё. “Nuk ka qenё e lehtё, por ishin ditё tё vёshtira, edhe pse para nesh ishte zgjedhja pёr ta mbyllur biznesin, si dhe vepruan shumica. Por duke menduar pёr vete, mendonim edhe pёr punonjёsit, familjet e tё cilёve do tё ndodheshin ndoshta pёrballё vёshtёrsive”, shprehen sipërmarrësit shqiptarë. / Nga Tajar Domi

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.