Dy ikona të basketbollit shqiptar janë nderuar me titullin mjeshtër i madh nga Presidenti i Republikës, Ilir Meta.
Artan Terihati dhe Pjerin Bushati, sportistë të talentuar të “Partzani” dhe ekipit kombëtar janë dekoruar me motivacionin: “Për talentin edhe përgatitjen të gjithëanshme, të treguar në lojën e basketbollit, duke dëshmuar aftësi të spikatura si basketbollist dhe trajner me skuadrën ‘Partizanit’ dhe Ekipin Kombëtar. I dalluar për lojën cilësore dhe korrektësinë e tij në fushën e lojës”.
Ndërsa basketbollisti Pjerin Bushati u çmua: “Në shenjë vlerësimi për kontributin e dhënë në sportin e basketbollit, si një lojtar i talentuar, protagonist në shumë suksese të skuadrës së ‘Partizanit’ dhe Ekipit Kombëtar, në arenën kombëtare dhe ndërkombëtare.”
“Është kënaqësi, që të vlerësojmë sot karrierën sportive dhe rezultatet e larta, të dy basketbollistëve të spikatur të skuadrës së madhe të basketbollit ‘Partizani’, që na ka dhënë emocione të paharruara”, u shpreh presidenti Meta.
Pjerin Bushati pas sukseseve të njëpasnjëshme me Partizanin ka jetuar dhe ka dhënë kontributin e tij dhe në Itali, ku për 15 vjet, 2000-2015 ka qenë trajner i skuadrës romane të basketbollit, Stella Azzura për të rinjtë.
Djali i tij, Franko Bushati aktualisht është pjesë e kombëtares shqiptare të basketbolit, por formimin e tij e mori në Itali me Stella Azzura dhe më pas ka bërë karrierë në një sërë skuadrash italiane.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.